Lo Conselh de la Lenga Occitana, dempuèi sa fondacion, a recebut la reconeissença de las entitats seguentas (per òrdre cronologic).
• L’Associacion Internacionala d’Estudis Occitans (AIEO), dempuèi son congrès de Tolosa de 1996, apròva l’existéncia del CLO.
• Lo Conselh General d’Aran reconeis lo trabalh del CLO dins son document oficial Nòrmes ortografiques der aranés, dempuèi 1999.
• La pagina “Mesclum”, que se publica en occitan cada dijòus dins lo jornal La Marseillaise, utiliza la nòrma del CLO. L’associacion leis Amics de Mesclum difusa la nòrma classica.
• La version occitana de Wikipèdia, dins sa carta lingüistica, reconeis la legitimitat del CLO dempuei 2006.
• La revista electronica Lingüistica Occitana sosten lo CLO e publiquèt sas preconizacions de 2007.
• Lo Grop de Lingüistica Occitana, creat en 2008 per conselhar las autoritats d’Aran e de Catalonha, seguiguèt la nòrma del CLO.
• Lo Conselh Lingüistic (qu’es un organ del Congrès Permanent de la Lenga Occitana) apròva la nòrma del CLO dempuèi 2011.
• Jornalet, lo principal jornal professional e electronic en occitan, aplica la nòrma del CLO dins totes sos articles d’informacion, dempuèi sa fondacion en 2012.
• L’Assemblada Occitana, fondada en 2015, seguís las preconizacions del CLO.