Lo lògo del Conselh de la Lenga Occitana es una òbra de l’entrepresa de design Boo Republic. Combina dos simbòls.
• L’aucèl que s’enaura es un fènix. Es una creatura de las mitologias grèga e egipciana que mòr dins lo fuòc e que renais de sos cendres. Evòca la renaissença de nòstra lenga e de nòstra cultura.
• La crotz occitana, ornada de dotze pèrlas, es lo simbòl d’Occitània e de la lenga occitana. Es un motiu fòrça ancian que remonta a l’Edat Antica. De nòu, se desvolopèt al sègle 12 en Provença, dins los blasons de Forcauquier e Venasca, puèi l’adoptèron dins lo grand Comtat de Tolosa que s’estendiá de la Gasconha Orientala fins en Valentinés. Dempuèi lo sègle 20 s’utiliza dins totas las regions occitanas.
Lo nom de l’associacion pòt aparéisser en doas versions que representan totes los dialèctes occitans: Conselh de la Lenga Occitana e Conseu de la Lenga Occitana.