Lo Conselh de la Lenga Occitana (CLO) es uèi l’organisme mai tradicional de codificacion de l’occitan. Se fondèt en 1996 e sos estatuts s’enregistrèron en 1997.
La grafia classica es lo sistèma d’escritura tradicional de l’occitan de l’Edat Mejana fins a l’epòca actuala. Aguèt longtemps de fluctuacions de detalh, çò qu’èra normal a certanas epòcas ancianas. Desenant la grafia classica benefícia d’una forma estabilizada dempuèi 1935: es la nòrma classica, e la mission del CLO es de la far conéisser.
La nòrma consistís a fixar clarament las formas escrichas (l’ortografia) e las formas oralas.
La nòrma s’aplica a l’occitan estandard e a l’occitan local, que s’opausan pas.